Nongstoiñ, Jymmang 12
Ka Pyndengrei Social & Cultural Sport Club ha ka Sngi Saitjaiñ ka la pynkut noh ïa ka lympung ïaleh-kai 1st Ron Singh & Anthony KnockOut Open to All Basketball Tourna-ment ha kaba ka Dubakh ka la long ka lahduh ha ka liang ki kynthei bad ka LFA ha ka liang ki shynrang.
Ha ka jingïakhun final jong ki kynthei kaba la long hapdeng ka Dubakh na Shillong pyrshah ïa ka Pdengshnong na Pyndeng -rei ha madan St. Peter’s Basketball Court Pyndeng -rei ha kaba ka Dubakh ka la lah ban pynliem noh ïa ka Pdengshnong da 60-18 basket.
Shuh shuh ha ka jingïakhun final ki shynrang ka la long hapdeng ka LFA na Pyndengrei pyrshah ïa ka SYM na Shillong ha kaba ka kynhun ïalehkai jong ka LFA ka la lah ban pynliem noh ïa ka SYM da 77-69 basket.
Ïa katei ka lympung la wan ban pynhap pyrda da u MLA ka Nongstoiñ u Bah Gabriel Wahlang ha ryngkat ka jingïadonlang ruh u Sordar ka shnong Pyndengrei u Bah M. Marweiñ, u President ka Sport Club u samla Kynsai Kharbani, u General Secretary u samla Arki Marweiñ bad kiwei kiwei kiba la sam ruh ïa ki khusnam bad na ka liang jong ka Sport Club ka la pynlong ruh ïa ka free medical camp ha katei ka sngi.
