Mawkyrwat, Jymmang 13
Ka South West Khasi Hills District Chess Asso-ciation ha ryngkat ka jingïatrei lang bad ka shlem treikam u District Sport Officer (DSO), South West Khasi Hills kan pynlong ïa ka 4th South West Khasi Hills District Chess Champion -ship 2025 ha ka 16 tarik mynta u bnai ha Maharam Govt. Higher Secondary School Auditorium.
Ka jingthmu jong kane ka lympung ka long ban jied ïa ki nongïa-lehkai kiba kynsai ki ban mihkhmat ïa kane ka District sha ka State Level ka ban long ha u bnai Jylliew. Ki kyrdan ïalehkai ki long ka open category na ka bynta ki shynrang bad kynthei, lem bad ka students category jong ki khynnah shynrang bad kynthei.
Te kumta ka synjuk ka la pyntip ruh ba kan pynlehkai ruh da ka Swiss system bad kan don haduh san tylli ki kylla ïa baroh ki kyrdan ïalehkai bad ka por ban sdang ka dei 8:30 mynstep ban pynrung kyrteng bad yn sdang ban pynïalehkai ha ka por 9 baje mynstep.
