Shillong, Jymmang 13
Ka Meghalaya Swimming Association (MSA) ka la pynbna paidbah ba kan pynlong ïa ka jingïakob jngi ba la tip kum ka 18th State Aquatic Championship (Swimming) ha ka 30 bad 31 tarik mynta u bnai ha pung Crinoline, Shillong.
Ha kane ka jingïakob yn phiah ha la ki jong ki kyrdan kynthei bad shynrang kiba kynthup ïa ka Sub Junior (11 & 12 snem), Junior (15 & 17 snem) bad Senior (14 snem shaneng). Ki jingiakop ki kynthup ïa ka Free Style (50 & 100m), Back Stroke (50m), Breast Stroke (50 & 100m), Butterfly Stroke (50 & 100m), Individual Medley (200m), Free Style Relay (4 X 50m), Medley Relay (4 X 50m) bad kiwei kiwei.
Ka jingpynrung kyrteng ïa ki nongshim bynta kan long ha ka 15 tarik bad kan kut haduh ka 20 tarik mynta u bnai. Na ka bynta ki jingtip ba bniah ki lah ban phone ha kine number 9862571179, 9402195891, 9436105362, 9436102104, 9862011211, 9774074974 & 7005251678. Kane ka long kat kum ka kyrwoh ba la pyllait da u Bah Baika R. Lyngdoh, General Secretary ka MSA.
