Shillong, Jymmang 15
Ka tnat ïalehkai jong ka Sorkar Jylla ka la pynbna ban sdang noh ïa ka State Level Inter School Athletic Meet 2025 kan sdang naduh 20 haduh 22 tarik mynta u bnai ha SAI Training Centre, Shillong.
Ïa kane ka lympung ïalehkai kaba lai sngi yn ïasnoh kti lang bad ka Meghalaya Athletics Association.
Kumta ha kane ka lympung yn wan shim bynta da ki nongïalehkai kiba kynsai na kylleng ki district jong ka Jylla.
Kumba ka long mynta baroh ki shlem treikam jong ki District Sports Officer ki la dep ban pynlong ïa ka District Level Inter School Athletic Meet 2025 ha kylleng ki district bad ki la dep ban jied ruh ïa ki khynnah kiba kynsai ban mihkhmat sha katei ka lympung ka ban long ha kane ka nongbah.
