Shillong, Jymmang 16
I Kong Medalin Pyngrope i la jah na ïing jong u khun jong i na Nongrah, Nongbyrboh, Shillong naduh ka 13.02.2025 por 12:30 mynsngi.
Katkum ka kyrwoh ba la phah da u khun jong i, u Hambor Pyngrope, la ïathuh ba i Kong Medalin ha ka sngi ba i mih na ïing i phong da ka sweater rong saw jngem (purple), jaiñ kyrshah rong saw, tap moh khlieh rongktieh. I Kong Medalin i don ka sniehdoh ba lieh bad ka rynïeng kumba saw phut shiteng bad i la don kumba 57 snem ka kyrta.
Kumta la kyrpad ïa kiba lap lane ïohi ïa ine i Kong kin sngewbha ban pyntip ha u nombar 8837393278.
