Caracas, Jymmang:
Katkum ki khubor la ong ba iwei khyllung 2 snem iba la ïa khlad na ka kmie namar ka jingshah pynher krad ki phetwir na US ha ka aiñ ba thymmai jong u Trump, ha ka Sngi Balang pat la pynphai biang ia i sha Caracas da ki bor pyniaid.
Ha katei ka sngi ba la pynpoi ia itei khyllung sha katei ka nongbah, la iohi ia ka ‘First Lady’ ka Cilia Flores kaba la leit ban shimti ia itei i khyllung na ka Kad Liengsuiñ bad ban pdiang sngewbha da kaba kren ieid bad rah ruh ia i bad shen yn sa ioh ban pyniakynduh noh ia i bad ka kmie kaba la shah pynphai biang sha Venezuela ha u bnai Iaiong.
Namar la ong ba ka kmie jong itei i khyllung, ka Yorelys Bernal, ka la shah phah mih noh na US bad ka la shah pynphai biang sha Venezuela ha utei u bnai ba la leit bad kumta kam shym la lah ban don lang ha ka Kad Liengsuiñ ban leit shimti ia itei i khyllung ha katei ka sngi.
Kane ka jingshah pynïakhlad jong itei khyllung na ka kmie ka la wanrah ruh ia ka jingsngewkhia bad ka jingsngewmyllung na kiba bun ki paidbah jong katei ka ri South America.
