Nongstoiñ, Jymmang 16
U Superintendent of Police ka West Khasi Hill, Bikram D. Marak u la pyntip paidbah ïa ki jaka thoh eksamin hapoh West Khasi Hills na bynta kito kiba aplai ïa ka kam pulit bad kiba jied ïa ki jaka thoh eksam hapoh West Khasi Hills.
Katkum ka kyrwoh khubor ba la phah, u SP ka West Khasi Hills u la pynpaw ba kane ka jingpynbeit ka long katkum ka jingpynbna (advertisement) No.PTS/CRB/RECR/2023-24/350 Dated 6th March 2024.
U la ong ruh ba kine ki jaka thoh eksamin ha West Khasi Hills ki long, na ka bynta ka UBSI, ka jaka ha Nongstoiñ Public School, New Nongstoiñ kan long ha ka 18 tarik Jymmang, 2025 bad kan sdang naduh ka por 9.00 baje mynstep haduh 12 baje mynsngi.
Na bynta ka kam ‘Signal/BN Operator’, ka jaka kan dei ha St. Peter’s Higher Secondary School, Pyndengrei kata ha ka 24 tarik Jymmang, 2025 bad kan sdang naduh ka por 9.00 baje mynstep haduh 10.30 baje mynstep, katba na ka bynta ka ‘MPRO Operator’ kan sdang naduh ka por 1.00 mynsngi haduh 2.30 nohphai sngi.
Ka kyrwoh khubor na u SP ka ong ruh ba na bynta ki ‘Un-Armed Branch’, ki jaka kin long ha ki ar tylli, kita ha Nongstoiñ College bad Sib Singh Memorial Government Higher Secondary School, Nongpyndeng bad ka por kan long naduh ka 9.00 baje mynstep haduh 10.30 baje mynstep bad ka tarik kan long ha ka 25 tarik Jymmang, 2025.
Shuh shuh u la ong ba na bynta ka ‘Fireman’, ‘Mechanic’ ka tarik kan long kumjuh kata ha ka 25 tarik Jymmang, 2025 ha Nongstoiñ Public School naduh ka por 1.00 baje mynsngi haduh 2.30 baje nohphai sngi. Sa kawei pat, na bynta ka ‘Firemen’ kan long ha KJP Synod Sepngi Higher Secondary School, Tiehsaw Nongstoiñ, kata ha ka 31 tarik Jymmang, 2025 naduh ka por 9.00 baje mynstep haduh 10.30 baje mynstep, katba ïa ka ‘Driver Firemen’ kan sdang naduh ka por 1.00 baje mynsngi haduh 2.30 baje nohphai sngi. U la ong ruh ba na bynta ki ‘AB Constable/BN Constable / MPRO GD/Constable’, ‘Handymen’ ka jaka kan dei ha Nongstoiñ College bad Sib Singh Memorial Government Higher Secondary School ha ka 1 tarik Jylliew, 2025 bad ka por kan long naduh ka 9.00 baje mynstep haduh 10.00 baje mynstep.
Ka kyrwoh khubor na u SP ka la ong ruh ba na bynta ki ‘Driver Constable’ (AB -Group) kan long ha ka 1 tarik Jylliew, 2025 naduh ka por 1.00 baje mynsngi haduh 2.00 baje nohphai sngi ha Sib Singh Memorial Government Higher Secondary School.
