Shillong, Jymmang 16
Ka West Khasi Hills District Chess Associa-tion (WKHDCA) ka la pynbna ba kan pynlong ïa ka lympung ïalehkai chess ba la tip kum ka 11th WKHDCA State B Chess Championship 2025 (District Level Selection) ha ka 31 tarik mynta u bnai naduh 9.30 mynstep ha Nongstoiñ Kitchen Chess Coaching Centre.
Kat kum ka kyrwoh ba la pyllait da u President ka synjuk Bah R. Sun, la ong ba kane ka lympung ka long na ka bynta ki paidbah ka thaiñ West Khasi Hills District. Te kumta ka synjuk ka la pynkhreh ïa ki khusnam ryngkat ki Momentoes bad ki syrnod ïa hynriew ngut ki nongjop.
Kine hynriew ngut kin shah jied ban mihkhmat ïa ka District sha ka State A bad National Senior Chess Championship ki ban sa pynlong shen ha kine ki bnai ban wan. Ka bai rung ka long T. 100/. Kiba kwah ban shim bynta ki la lah ban phone ïa u Bah Richard Sun (7005842605) lane email ha ka [email protected].
