Nongstoiñ, Jymmang 19
Ka shlem treikam jong ka District Sports Officer (DSO), West Khasi Hills District, kan pynlong ïa ka lympung ïalehkai phutbol ba la tip kum ka District Level Subroto Mukherjee Cup 2025 na ka bynta ki skul kiba hap hapoh ka West Khasi Hills District.
Ïa kane ka lympung yn phiah sha lai tylli ki kyrdan, ka Under-15 jong ki shynrang bad ka Under-17 jong ki kynthei bad shynrang, kaba la thmu ban sdang ha ka 10 tarik u Jylliew.
Kat kum ka kyrwoh ba la pyllait da katei ka shlem treikam, la ong ba ka tarik ba khatduh ban pynpoi ïa ki Entry form kan long ha ka 23 tarik mynta u bnai. Ki khynnah kiba lah ba shim bynta ha ka Under-15 ki dei ban long kiba la kha ha lane hadien ka 1 tarik u Kyllalyngkot 2011, katba ki khynnah kiba lah ban shim bynta ha ka Under-17 ki dei ban long kiba la kha ha lane hadien ka 1 tarik u Kyllalyngkot 2009.
Na ka bynta ki jingtip ba bniah ki lah ban phone ïa u Bah A.B. Rymbai (9774247432 & 7005830568).
Katba ha Eastern West Khasi Hills District yn sdang ïa kane ka lympung naduh ka 12 tarik u Jylliew. Ka tarik ba khatduh ban pynpoi ïa ki Entry form kan long ha ka 23 tarik mynta u bnai. Na ka bynta ki jingtip ba bniah ki lah ban phone ïa u Bah Iaibatskhem Marweiñ (7892952069).
