Mawkyrwat, Jymmang 19
Ka lympung ïalehkai chess ba la tip kum ka 4th South West Khasi Hills District Chess Championship 2025 ka la poi sha kaba kut noh ha ka 16 tarik mynta u bnai ha Maharam Govt Higher Secondary School Mawkyrwat.
Ha katei ka sngi la ïadon lang u MLA ka Mawkyrwat, Bah Renikton Lyngdoh Tongkhar ha ryngkat u Bah K.M Warjri, President ka Meghalaya Chess Asso-ciation bad u Bah Toteiham Lyngdoh Marshilong, President ka South West Khasi Hills District Chess Association (SWKHDCA) bad kiwei kiwei.
Ka jingthmu jong ka synjuk haba ka pynlong ïa kane ka lympung ka long ban jied ïa ki khynnah ïalehkai kiba kynsai ban mihkhmat ïa ka District sha ka State Level ka ban sa long ha u Jylliew.
Ki nongjop ha ka Students Category jong ki shynrang ki long u Eidenson Marweiñ na ka Little Star Higher Secondary School uba la ïoh 5.5 point, ïa ka kyrdan ba-ar la ïoh da u Mendaker K.Jahrin na Maharam Higher Secondary bad balai u Glisterwell Marweiñ na ka Little Star HSS.
Katba ha ka liang ki kynthei ka Haphilabuhti Nongsiej na Nativity High Secondary School ka la wan ba nyngkong, ïa ka kyrdan ba-ar la ïoh da ka Carefulness Ïawphniaw na Mawkyrwat Presbyterian Secondary School bad balai la ïoh da ka Ibansyrpai Ïawphniaw na ka Little Star HSS.
Ha ka open category ki shynrang, la jop da u Banpyntngenlang Kharaswai na Mawkyrwat, ba-ar u Jefferson Marngar bad balai u Pynïarbor Jyrwa. Ha ka liang ki kynthei la jop da ka Amity Marweiñ bad ba-ar la ïoh da ka Wanranisha Syiemlieh.
