Shillong, Jymmang 19
U khlur nongkawang sum ka ri u Neeraj Chopra u la thaw ïa ka khana da kaba u la long u nong India ba nyngkong eh ban pynkheiñ ïa ka rekod kaba heh duh ban ïoh 90m ha ka javelin ha ka Doha Diamond League 2025.
Hadien katto katne sien ba u la pyrshang ban ïakhun ha ki por ba la dep, khatduh eh u Neeraj u la lah ban kynjoh sha ka thong ha ka jingkawang sum haduh 90m kaba ym pat juh lah, ha ka jingpyrshang kaba lai jong u ha katei ka miet, da ka jingkwang na ka bynta ban poi haduh 90.23m.
Watla u la poi shaduh ka wat kaba khatduh, u Neeraj u la wan ha ka kyrdan kaba ar ha kaba u Julian Weber na ka Germany u la lah ban pyntam shuh-shuh da ka jinglehkai kaba itynnad haduh 91.06m.
