Shillong, Jymmang 20
Ka tnat ïalehkai jong ka Sorkar Jylla ka la sdang ïa ka lympung ïalehkai State Level Inter-School Athle-tic Meet 2025 ha ka Sngi Ba-ar ha SAI STC Shillong ha kaba la wan shim bynta da ki khynnah na kylleng ki district jong ka Jylla na ka bynta ban pyni ïa la ki sap ïalehkai ba kyrpang.
Ïa kane ka lympung la plie da u Richard Yanthan (IAS), Joint Secretary ka tnat ïalehkai kum u kong-san, kumjuh u Bah John F Kharshiing, Working Pre-sident ka Meghalaya State Olympic Association (MS -OA) kum u symbud kong -san, u D.D Shira, Direc-tor ka tnat ïalehkai, Bah Finely Pariat, General Secretary ka MSOA bad kiwei kiwei.
Na ka liang u DD Shira u la ong ba ha kane ka lympung ki don haduh 780 ngut ki nongïalehkai ki ban shim bynta ha 48 tylli jingïalehkai ha la ki jong ki kyrdan. U la ong ruh ba ki don haduh 36 ngut ki official bad 200 ngut ki volunteer ban ïarap bad pynïaid ïa kine ki jingïalehkai.
Kane ka lympung ïalehkai kaba lai sngi lynter kan kut ha ka 22 tarik mynta u bnai.
