Jowai, Jymmang 22
Ka ïingkashari u NA Khan ka District and Sessions Court, Jowai ka la rai pynrem da kaba set patok hynriew bnai kynthih ïa u Silas Sten na ka shnong Mukroh ha kaba ïadei bad ka mukotduma ba la register ha u snem 2016.
Ïa ka ejahar la mudui ha ka 8 tarik Nailur, 2016 da u Shngain Niang uba la kynnoh ba u Silas Sten u la rung jubor ha ïing jong u ha ka por 10.00 baje mynmiet da kaba byrngem ïa u da ka wait bad hadien u pynngop ïa ka lok jong u.
Ïa ka mukotduma la register hapoh thanat Jowai katkum ka Case No. 210(09)16 U/s 444/506/376 IPC bad la tohkit bad pynngat Charge Sheet da ka WPSI J Nongsiej.
Hadien ba la kut ka jingbishar, ka ïingkashari ha ka 20 tarik Jymmang, 2025 ka la rai pynrem ïa u Silas Sten hapoh ka kyndon 448 bad 323 IPC bad pynngat hapoh patok hynriew bnai.
