Shillong, Jymmang 22
Ïa ka ‘playoffs’ bad ka final jong ka lympung ïalehkai Indian Premier League 2025 yn pynlong ha Mullanpur bad Ahmeda -bad, la pynbna ka BCCI.
Ka PCA Stadium kaba thymmai kan ïoh ban pynlong ïa ka Qualifier 1 bad ka Eliminator ka ban long ha ka 29 tarik bad 30 tarik mynta u bnai, katba ka Ahmedabad kan pynlong ïa ka qualifier 2 bad ka final.
Ïa kane ka rai la shim ha ka jingïalang kaba la long ha ka sngi Ba-ar, ha kaba ka don jingïadei shibun eh bad ka jinglong ka suiñbneng, namar kata ka BCCI ka la sangeh ban pynbna ïa ki jaka ban pynlong ïa ki jingïalehkai playoff.
Kane ka long ka sien kaba lai ha ki saw snem ban pynlong ïa ka jingïa-khun final ha Ahmedabad, katba ka Mullanpur kan pynlong ïa ki jingïalehkai playoff ha ka sien kaba nyngkong eh.
“Ka Hyderabad bad Kolkata ha kaba sdang ki dei ban pynlong ïa ki saw tylli ki jingïalehkai ba khatduh shwa ban pynsangeh shi taïew ïa kane ka lympung. Ïa ki jaka ba thymmai na ka bynta ka playoffs la rai da ki bor pynïaid ka IPL da kaba buh ha ka jingmut ïa ka jinglong ka suiñbneng bad kiwei kiwei ki kyndon,” ong u secretary ka BCCI, Devajit Saikia ha ka kyrwoh.
Nalor kiwei pat, ka jingïalehkai hapdeng ka Royal Challengers Benga -luru pyrshah ïa ka Sun-risers Hyderabad kaba la dei ban long ha M Chin-naswamy Stadium ha ka 23 tarik mynta u bnai ruh la pynkynriah noh sha Lucknow namar ka jinglong jingman jong ka suiñ -bneng ha ki bynta shathie jong ka Ri. “Kumjuh ha ka kyrdan jong ka playoff, la ailad shuh shuh shi kynta na ka bynta ki jinglong jingman jong ka jingïalehkai na ka bynta ki jingïalehkai kiba dangsah jong ka league, kaba sdang naduh ka sngi Balang, 20 tarik u Naitung,” la bynrap biang u Saikia.
