Jowai, Jymmang 23
Ka Khasi Students’ Union War Jaiñtia Circle (KSU) kan pynlong ïa ka ‘5th Maitshaphrang Academic Award 2025’ na bynta ban pynkup burom ïa ki samla pule jong ka thaiñ War Jaiñtia kiba hap hapoh ka Amlarem Sub-Division bad kiba ‘pass’ bha ha ka eksamin SSLC, HSSLC, ‘Graduate’ bad ‘Post Graduate’.
Ka jingthmu jong ka seng ban pynlong ïa kane ka jingpynkup burom ka long kum shi bynta ban ai mynsiem bad pynshlur ïa ki khun samla jong ka thaiñ ha kaba kin trei shitom bad minot thop ban ïoh kheit ïa u soh bathiang jong ka jingjop.
Yn pdiang 75% shaneng ïa kiba ‘pass’ naduh SSLC bad HSSLC, ïa ki ‘Graduate’ bad ‘Post Graduate’, 70% shaneng.
Ka tarik ba khatduh ban pdiang ïa ki ‘marksheet’ kan long ha ka 16-06-2025.
Ka KSU ka khot ka wer ïa ki khun samla jong ka thaiñ ba kin sngewbha ban aiti ïa ki ‘marksheet’ jong ki da kaba shu ‘phone’ ha kine ki number ban ïoh ïa ki jingbatai ba bniah – 6009242315/ 70059 62523/ 70058 53349.
