Shillong, Jymmang 25
Ka lympung ïalehkai kaba la rim tam ha ka dewbah Asia, ka 134th Indian Oil Durand Cup kan sdang naduh 22 tarik u Naitung haduh ka 23 tarik u Nailar mynta u snem ha ki san tylli ki jylla bad ka Imphal kaba ha Manipur ka la wanphai biang ban pynlong biang ïa kane ka lympung hadien ar snem na ka daw ki kynrum-kynram ha katei ka jylla.
Ka Kokrajhar ha Assam kan pynjlan ïa ka kyrdan jong ka kum ki nongpynïaid ïa ka Durand Cup ha ka sien kaba lai snem lynter, katba ka Jamshedpur ha Jharkhand bad ka Shillong ha Meghalaya la pynrung kum ki nongpynïaid ïa kane ka lympung naduh u snem ba la lah. Kane ka lympung kaba la rim da ki spah snem ka la pynkynriah ïa ka jaka ïalehkai jong ka sha Kolkata kaba long ka nongbah jong ka West Bengal, na Delhi ha u snem 2019, bad kan dang ïai bteng ruh ban bat ïa kata ka kyrdan na ka bynta ka sien kaba hynriew lynter.
Naduh ba la kylla sha ka thaiñ mihngi, ka Durand Cup ka la pynïoh biang ïalade kum ka jingïakob ba nyngkong eh jong ka ri, da kaba kyntiew na 16 tylli ki kynhun sha 24 tylli ki kynhun, kynthup ïa ka jingïashim bynta na baroh ki kynhun jong ka Indian Super League (ISL).
Ki bor pynïaid ka Eastern Command jong ka kynhun shipai ka ri India, ka la ailad ruh ïa ki kynhun ïalehkai jong ki bor shipai (services), kumjuh ki klob kiba kynsai, bad ki kynhun shipai jong ki rib a marjan.
Baroh ki Sorkar Jylla bad ki bor pynïaid shnong ki la kular naduh mynsiem ban kyrshan lang kumba ju long na ka bynta kane ka lympung ba paw kaba la shim ia ka jingmut jingpyrkhat jong ki briew kiba ïeid ïa kane ka jingïalehkai phutbol jong ka thaiñ.
Baroh ki don 6 tylli ki jaka ïalehkai, ar tylli ha Kolkata (Vivekananda Yuba Bharati Krirangan bad Kishore Bharti Kri-rangan) bad kawei kawei ha Imphal (Khuman Lam -pak Stadium), Ranchi (Morhabadi Stadium) lane Jamshedpur (JRD Tata Sports Stadium) ha Shillong (Jawaharlal Nehru Stadium) bad ka Kokrajhar (SAI Sta-dium) ki ban pynlong ïa ka 134th IndianOil Durand Cup.
Lah ban pynkynmaw ba ka North East United FC ka la long ka lahduh ha ka snem ba la lah, hadien ba ka la lah ban pynliem ïa ka Mohun Bagan na ka bynta ban rah ïa katei ka nam ha ka sien kaba nyngkong eh.
