Guwahati, Jymmang:
U Myntri ka tnat pule-puthi jong ka Arunachal Pradesh u Pasang Dorjee Sona, u la ujor thikna sha u Myntri ka tnad pule puthi jong ka sorkar pdeng, u Dharmendra Pradhan, ba un pynbun ïa ki Centre jong ka CUET (Common University Entrance Test) ha ka Jylla.
Mynta, ki eksamin CUET ki long tang ha ki saw tylli ki jaka: NIT Jote, NERIST Nirjuli, RGU Doimukh, bad iON Digital Zone Naharlagun baroh ki don ha kylleng ka nongbah jong ka jylla, ka Itanagar.
Ban weng ïa ka jingeh, u Sona u la tyrwa ban buh saw tylli ki jaka thoh eksamin thymmai ha Pasighat (East Siang), Bomdila (West Kameng), Tezu (Lohit), bad Aalo (West Siang). Ïa kine ki jaka la jied da ka buit ban pynbha ïa ka jingpoi bad pynduna ïa ka por leit jingleit jong ki samla pule ha ki jaka ba jngai.
U la pynpaw ïa ka jingsngewkhia ba ka jingpynbeit mynta ka pynbor ïa kiba bun ki samla pule ban ïaid da ki spah kilomitar, ha kaba don wat kiba hap ban ïaleh eksamin shabar ka jylla. Kine ki jingeh ki la dep ban pynlong ïa ki katto katne ngut ki nongthoh eksam kiba dei hok ba kin duh ïa ki lad thoh eksamin.
Haba pynpaw ïa ki jingeh ba kyrpang jong ka jylla ha ka liang ka jaka, u Sona u la pynpaw biang ïa ka jingaiti jong ka Arunachal Pradesh ha ka polisi pule puthi kaba buh nyngkong ïa ki khynnah skul, bad kyntu ïa ka sorkar pdeng ban leh kloi ban pynthikna ba ym don uwei ruh u khynnah skul uba sahdien namar ki jingduna ha ki jingtei.
