Beijing, Jymmang:
Ka China ha kane ka kynti ka la pynbna ba kan ai jingïada ïa ka hok bad jingmyntoi ba dei hok jong ki samla pule bad ki riewstad jong ka kiba nabar ri bad kane ka long ka jubab jong ka tnat kam bar ri ka China ïa ka rai jong ka sorkar u Trump ban khanglad ïa ka Harvard University ban pynrung kyrteng ïa ki samla pule ba nabar ri. Namar ka China ka la ong ba ki jing-leh jong ka US khlem artatien kin ktah ïa ka jinglong-jingman jong ka US bad kan duh lut ruh ia ka jingshaniah jong ka na kiwei pat ki ri, ong u Mao Ning, nong-aiktien jong ka tnat kam bar ri ha ka jingïakren bad ki nongthoh khubor ba man ka por, da kaba bynrap ba ka jingïatreilang ha ka liang ka pule puthi hapdeng ka China bad ka US ka ai jingmyntoi ïa baroh arliang mamla.
