Shillong, Jymmang 26
Uwei u nongtrei jong ka petrol pump hadien ba u la dep ban die ïa ka umphniang kaba la kot sha ki lak tyngka, u la phet krad noh na ka jaka sah.
Katkum ka khubor kaba la ïoh na ki pulit la ong ba u Manager jong ka Panbari Petrol Pump kaba don ha West Garo Hills u la ai ka jingujor ba ha ka 17 tarik mynta u bnai, uwei na ki nongtrei jong u, uba la tip kyrteng kum u Rajesh Kumar, u la die ïa ka umphniang kaba la kot sha ka T.1,69,500/- bad um shym la thep satia ïa kane ka pisa.
Shuh shuh la ong ba ha ka 18 tarik mynta u bnai, kata ha ka por dang step phyrngab, une u nongtrei u la phet krad noh na ka jaka sah bad khlem tip shuh shano u leit.
Ha kaba ïadei bad kane, ki pulit ki dang pynlong ka jingtohkit ban lap ïa ki jingshisha bad ban thwet ïa une u briew.
