Nongstoiñ, Jymmang 27
Lai ngut ki nongdie bad nongkhaïi ïa ka kyiad pyrsi ki la shah kem noh ha ki nongshong shnong ka Langdongdai bad ka Mawlieh Bazaar Committee.
Kine baroh lai ngut kiba dei na Assam ki la shah kem noh na ïew jong ka shnong Langdongdai.
Katkum ka jingïathuh ki nongkitkam shnong ka Langdongdai, uwei na kine u dei u Withar Nachugre uba dei u sordar shnong ka shnong Pormawlein bad ar ngut pat ki dei ki bar jylla kiba wan die jingdie hapoh ïew Langdongdai.
Hadien ka jingtian bishar, ka Dorbar Shnong ka la rai ban khang noh shisyndon ïa ka jingwan ki bar jylla ban die jingdie ha ka ïew shnong nangne shakhmat.
