Nongstoiñ, Jymmang 27
Hadien katto-katne ba ka Federation of Khasi Jaiñtia & Garo People (FKJGP) Rambrai Circle ka la leit ban jurip ïa ka ïew Rambrai bad lap ruh ba kane ka ïew ka la syrtap sa tang ki jakhlia, ka la ujor syndon sha ki bor pynïaid district.
U Bah Jitstarlan Lyngkhoi, President ka FKJGP Rambrai halor kane u la ong ba da ka jingsngewkhia ha ka 27 tarik mynta u bnai ka FKJGP ka la leit ban ujor sha u DC ban kyntu ban shimkhia bad ban tuklar lem ïa katei ka bynta.
Shuh shuh, u la ïathuh ruh ba ha kane ka jingleit ïakynduh ïa u DC, la aiti ruh ïa ka jingthoh ban kyrpad ïa u ban tuklar halor katei ka jingjaboh jong ka ïew Rambrai.
U Bah Jitstarlan u la ong ruh ba na ka liang jong u DC u la kular ban shimkhia ha kaba ïadei bad katei ka bynta namar ka khuid ka suba ka long kaba donkam ha ka jingim briew.
“Kyrmen skhem ba lyngba ka jingshimkhia lem jong u DC, ka jaboh ha katei ka ïew kan ïoh noh ïa ka khuid ka suba,” ong u Bah Jitstarlan.
U la ong ruh ba ha kaba ïadei bad ka hima la ïohi la bun snem la lum thup ïa kane ka jakhlia bad na ka liang jong ka seng kan nym sngew ngeit ba u Syiem un shu aidaw bym ïoh ïa ka jaka ba kat u Syiem hynrei ki shnong ki dang hap hapoh jong u. Kumta u dei ban ïatreilang bad ki nongshong shnong bad ki dorbar shnong ban wad ïa kata ka jaka hynrei ym dei ban shu aidaw.
