Shillong, Jymmang 28
Ka ïingbishar jong ka Kong MK Lyngdoh, Special Judge (POCSO) ka East Khasi Hills, ka la hukum ban set patok haduh 7 snem lem bad ka kuna kaba T.50,000 ïa u runar uba la donkti ban leh be-ijot khynnah.
Katkum ka jingpyntip na u Superintendent of Police ka East Khasi Hills, une u runar u dei ba la tip kyrteng kum u Strongman Kharbani uba la shah kem ha ki pulit ka Mawsynram halor ka kam bymman ba u la leh ha u snem 2019. Ïa une u runar la pynngat hapoh ka kyndon 5(m)(n)/6 POCSO.
Ka ïingbishar ha ka hukum ba la pynmih ha ka 26 tarik Jymmang, ka la pynngat ïa une u runar hapoh ka kyndon 10 jong ka POCSO Act bad hukum ban set patok 7 snem lem bad ka kuna T.50,000 bad lada um lah siew, un hap shong patok sa 6 bnai.
