Shillong, Jymmang 28
Kawei ka briew kaba na rilum Garo ka la shah ujor ha uwei briew halor ka jingkynnoh ba ka la donkti ha ka ban thok pisa da ki lak tyngka da kaba kular ban pynïoh kam Sorkar.
Katkum ka khubor kaba la ïoh na ki pulit la ong ba uwei u nongshong shnong jong kawei ka shnong ha South Garo Hills u la ai ka jingujor pyrshah ïa kawei ka briew kaba la tip kyrteng kum ka Tanera Ch Marak halor ka jingthok pisa ïa u haduh T.1.4 lak, da kaba kular ban pynbiang ka kam Sorkar ïa la u khun. Shuh shuh na ka liang jong utei u nongujor u la ong ruh ba katei ka briew ka la dep ban thok pisa ruh ïa san ngut kiwei pat haduh T.4.45 lak.
Ha kaba ïadei bad kane ka jingjia, na ka liang jong ki pulit ki dang pynlong ka jingtohkit na ka bynta ban lap ïa ki jingshisha bad ban leh ïa kaba donkam.
