Shillong, Jymmang 28
Ka Meghalaya State Paralympics Association ka la ïoh ban phah ïa ki Para Athletes sha ka jingïalehkai kaba la pynlong da ka 6th Men’s & 3rd Women’s Indian Blind Football Federation North East Zonal Blind Football Championship 2025 ha nongbah Guwahati- Assam naduh ka 25 tarik u Jymmang bad ka la pynhap pyrda noh mynta ka sngi Balang ka 28 tarik u Jymmang 2025.
Ha kane ka sngi pynkut ka Meghalaya ka la ïoh ban rah ïa ka nam lahduh da kaba pynliem noh ïa ka Arunachal Pradesh da 8-1 kol. U Klingson D. Marak u la ïoh ban thep haduh 19 kol ha shilynter kane ka lympung ïalehkai bad ruh u la ïohpdiang ïa ka nam kum u rangïalehkai ba kynsai tam.
