Shillong, Jymmang 28
U President ka Napoli kaba la rah ïa ka nam lahduh ha ka Serie A, u Aurelio De Laurentiis, u la pynpaw ïa ka jingthrang ban soi ïa u rangïalehkai ka Manchester City u Kevin De Bruyne ha kane ka aïom lyiur.
U la pynpaw ba u De Bruyne u la long kum ka ïing ha ka Napoli ha kaba ka jingïakren bad u lem bad ka ïing ka sem jong u ka la long kaba sngewtynnad.
U De Laurentiis u la ong, “Ban kren da kaba shai, nga pyrkhat bha ba u Kevin De Bruyne mynta un sa ïasoh bad ngi bad un sa long u rangïalehkai ka Napoli hadien ba un mih na ka Manchester City.”
Une u rangïalehkai shapdeng ba 33 snem ka rta u la long uwei na ki rangïalehkai ba kongsan tam na ka bynta ka Manchester City naduh ba u la rung sha kane ka kynhun ha u snem 2015 bad u la long ruh ka bynta kaba khraw ha ka jingjop jong ki hapoh England bad ha Europe. Ka kontrak jong u De Bruyne kan poi sha kaba kut ha ka 30 tarik u Jylliew mynta u snem, hynrei ka City kam shym la tyrwa kontrak thymmai sha u kaba la pynlong pat ïa une u rangïalehkai ban leit ïalehkai noh shawei. Te kumta ka Napoli ka la ïakren bad ki mynnong jong une u nongïalehkai na ka bynta ban wanrah ïa u sha Italy.
Katei ka lahduh jong ka Serie A ka la nang pyndap shuh shuh ka jingkmen namar u De Bruyne u dang lah bad bteng ban ïalehkai ha ki kyrdan ïalehkai kiba ha khlieh jong ka Europe. Kumjuh, ïa u Romelu Lukaku, uba la long u bynta ba kongsan jong ka Napoli naduh ba u la pynïasoh; ma u bad u De Bruyne ki kham ïajan bha ban ïa kaba mynshuwa ha ka kyrdan ïalehkai jong ka ri jong ki.
Wat la katto-katne ki klob jong ka Premier League bad na ka Saudi Pro League ki thrang ban soi ïa utei u rangïalehkai shapdeng ka Belgium. Hynrei u De Bruyne u la kren shai ba u kwah ban ïalehkai ha Europe ryngkat bad ka lympung ïalehkai kaba don ha ka kyrdan ba ha khlieh. Lada kane ka urlong, kan long kawei na ki jingïasoi kaba heh tam ha ka histori jong ka klob.
