Shillong, Jymmang 30
Ka prokram shah pyntbit ba la tip kum ka Asian Football Confederation/All India Football Federation (AFC/AIFF) Goalkeeping A Diploma Coaching Course 2024-25 ka la poi sha kaba kut ha ka sngi Thohdieng ha kane ka nongbah.
Ïa kane ka prokram la pynlong da ka Meghalaya Football Association naduh ka 21 tarik mynta u bnai bad ki la don 14 ngut kiba la wan ban shah hikai pyntbit. Ki coach ki kynthup ïa ki rangapkol ba kynsai ha ki por ba la leit kum u Mohammed Yusuf Ansari, Harry Benny C, Sandip Nandy, Chandan B Rathod, Manu Patricio, Jasmeet Singh, Hameed KK, Sugitesh Mandrekar, Abhijit Mondal, Lalit Thapa, Jignesh Antala, Vinay Singh, Rafael Gracio bad u Subhasish Roy Chowdhury.
Ki nonghikai ki long u Gumpe Rime bad u Dinesh Nair. Ha kane ka sngi khatduh la donlang ruh u Vice-President ka MFA u Bah Cliff Nongrum bad u Bah Hering Shangpliang bad u dkhot kane ka synjuk u Bah Freddy Kharpran nalor kiwei pat.
