
Shillong, Jymmang 30
Ka East Khasi Hills District Chess Association (EKHDCA) ka la sdang ïa ka lympung ïalehkai chess ba la tip kum ka 7th East Khasi Hills District Selection Chess Tournament 2025 ha ka sngi Thohdieng ha Khasi National Dorbar Hall kaba ha Mawkhar, Shillong.
Ha kane ka lympung ïalehkai ka ban neh ar sngi kynthih, la wan ban plie da u Rangbah Shnong ka Mawkhar u Bah Ransom Sutnga bad uba bat kum u Co Chairman ka MIDC ha kaba la ïadon lang ki dkhot nongkitkam katei ka synjuk bad kiwei kiwei.
Ha kane ka kynti kaba mynta ki la don haduh 97 ngut ki nongïalehkai kiba la wan ïashim bynta. Ka jingthmu jong kane ka long ban jied ïa ki khynnah ïalehkai kiba kynsai ki ban don ha ka thup kaba 20 ban mihkhmat na kane ka district sha ka “48th Meghalaya State FIDE Rating Chess Championship 2025” ka ban sa long ha u bnai Jylliew mynta u snem ha kane ka nongbah.
Ïa kane ka lympung yn pynkut ha ka sngi Saitjaiñ ha kaba yn ïadon lang ka Kong Eldora Betsy Lyngdoh kum ka kongsan.