Washington, Jymmang:
Ka sorkar jong u Trump ha kane ka kynti ka la rai ban weng noh ia ka jingiateh soskular bad ka Moderna na ka bynta ban shna ia ka dawai Bird Flu na ka bynta ki briew bad ruh ia ka hok ban thied ia ki dawai.
Ka Moderna ha u Kyllalyngkot ka la ïoh ïa ka khusnam kaba $590 million na ka sorkar jong u Biden ban pynïaid shakhmat ïa ka jingpynmih ïa u dawai ïada na ka jingpang khlam sim bad ban kyrshan ïa ka jingpynïar ïa ki jingpule klinik na ka bynta haduh phra tylli ki jait jingpang khlam ba la saphriang. Kane ka long nalor ka $176 million ba la ai da ka tnat ka koit ka khiah jong ka U.S. ha u snem ba la dep ban pyndep ïa ka jingpynwandur bad jingtest ïa ka dawai ïada kaba la pynshong nong-rim ha ka mRNA shwa ka khlam pyrshah ïa ka jingpang khlam H5N1.
Ka Moderna ka la ong ba ka thmu ban wad ki lad ki lynti na ka bynta ban pynmih bad shna ia une u dawai ha ka por ba la dep.
Ka kompeni ka la pynbna ruh ba ka la ïoh ïa ki jingtip ba bha ba shipor na ka jingpyrshang ba pdeng kaba la buh ban tynjuh ïa ka jingshngaiñ bad ka jinglah ban ïada na ka met jong ka dawai khlam sim jong ka kaba thmu ïa u khniang jingpang H5.
