Imphal, Jymmang:
Ki pulit ka Manipur ki la kem ïa ar ngut nongkhaïi drok bad kurup ruh shibun bah ki drok kiba la suba ba ki dei ki Heroin ha ka sngi Palei ha Imphal West distrik, la ïathuh uwei u heh sorkar ha ka sngi Thohdieng.
Katkum ka jingong jong une u heh sorkar, ki pulit Anti-Narcotics Task Force jong ka thanat Imphal ki la pynlong ïa ka jingkhynra ha Winger Parking, North AOC kaba la pynlong ïa kitei ar ngut ki briew ban kem ïa kitei ki briew.
Utei u heh ophisar u la pyntip ba ki pulit ki la ithuh ïa kine ki briew kiba la shah kem kum u Aziz Khan (22 snem) uba na Lilong Chingkham Makha Dam Makha, Thoubal distrik, bad u Kh. Sagir Khan (24) na ka shnong Thoubal Kiyam Leitanpok, Thoubal distrik.
Hadien ka jingïoh kem ïa ki, ki pulit ki la ïoh ban kurup ar tylli ki Envelope ba kyrpang kiba don 36 gram bad 98 gram u drok ba la suba ba u dei u Heroin, saw tylli ki pla, ar tylli ki mobile phone, kawei ka Aadhaar Card, bad ar tylli ki ATM Card.
Utei u heh sorkar u la bynrap ruh ba ki pulit ki la mudui mukotduma pyrshah ïa kine kiba la shah kem katkum ka aiñ Narcotic Drugs and Psychotropic Substances Act, 1985, da kaba pynjur shuh shuh ïa ki jingtohkit katkum ka aiñ.
