Shillong, Jymmang 30
Ka Shillong Sports Association (SSA) kan sdang noh ïa ka aïom ïalehkai mynta u snem da ka Under-20 Fourth Division 2025 naduh ka 2 tarik u Jylliew ha madan First Ground kaba ha SSA Stadium, Polo.
Ha katei ka sngi sdang ïa kane ka lympung mynta u snem kan long kaba kham kyrpang ha kaba yn ïadon lang u Myntri Rangbah ka Jylla u Conrad K. Sangma kum u kongsan na ka bynta ban plie pyrda ha ka por 10:30 mynstep hapoh katei ka stadium, la pynpaw kat kum ka kyrwoh ba la pyllait da u Secretary Football katei ka synjuk u Bah Freddy Kharpran.
Ha kane ka lympung ki don 29 tylli ki kynhun ban ïashim bynta ka ban phiah sha 6 tylli ki group bad mar 2 tylli ki kynhun ki ban wan ha ki kyrdan ba ha khlieh na manla kawei-pa-kawei ka group kin ïoh rung sha ka pre-quarter final, kat kum ka jingpynpaw dangshen da u General Secretary Bah D. L Nongbri ha ki lad pathai khubor.
Ha ka Group-A ki long ka Thynroit SC, Golflink SC, Mawshbuit SC, Risa Colony SC bad ka Lait -kroh SC. Ha ka Group-B ki long ka Them Rang-shken A.C.C, Mawlyngad SC, Pynthorbah SC, Lum-mawbah SC bad ka Nongkohlew SC. Ha ka Group-C ki long ka Nongthymmai Nongkyn-rih SC, Summit FA, Diling -iem SC, Lapalang SC bad ka Mawkasiang S&CC.
Ha ka Group-D ki kynthup ïa ka Umsohsun SC, Mawpdang SC, Pom-mura SC, Laitlulong SC bad ka Mawphlang SC. Ha ka Group-E ki long ka Laitumkhrah SC, New Challenger FC, Krang SC, Mawnianglah SC bad ka Ïateilang SC Lamlyer. Ha ka Group-F ki long ka Lawei SC, Mawlynrei SC, Lumpyngngad SC bad ka Riatsamthiah SC.
Ki kynhun ki ban ïakhun ha katei ka sngi sdang kin long hapdeng ka Thynroit pyrshah ïa ka Golflink ha ka por 10:30 mynstep, katba ka Maw-shbuit ïa ka Risa Colony ha ka por 1:30 janmiet.
Ha utei ujuh hi u bnai ka SSA kan sdang noh ruh ïa ka Third Division ha ka 16 tarik.
