Shillong, Jylliew 01
Ki pulit ki la ïoh ban kurup noh ïa u drok bad ruh ban rah ïa uwei u briew halor ka jingsuba ba u dei u nongshalan ïa une u jingdih buaid.
Katkum ka khubor na ki pulit la ong ba ha ka 28 tarik mynshem bnai, hadien ka jingïoh ïa ka jingtip kaba bniah, ki pulit ki la bat noh ïa kawei ka kali kaba don ïa u registration number ML08-J-0131 ha Lower Babupara, Tura ha West Garo Hills ryngkat bad ar ngut ki nongshong kali kata u Abhinash Lohar ba ju khot sin Bhola bad u Sonjoy Chandra Roy bad ha kaba la ïoh ruh ban kurup ïa u drok uba don jingkhia kaba 1.09 gram ba la suba u ‘heroin’ bad khyndai tylli ki thyrnia (syringe) na ka met jong u Abhinash Lohar.
La ong ba kham hadien na ka liang jong ki pulit ki la rah noh ïa uwei u briew ba la tip kyrteng kum u Brian K Sangma halor ka jingsuba donkti ban shalan ïa utei u jingdih buaid.
