Shillong, Jylliew 01
Ka East Khasi Hills District Chess Associa-tion (EKHDCA) ka la lah ban sei 20 ngut ki nong-ïalehkai kiba kynsai ban mihkhmat ïa ka East Khasi Hills District sha ka “48th Meghalaya State FIDE Rating Chess Cham pionship 2025” ka ban long ha u bnai Jylliew mynta u snem ha kane ka nongbah.
Kane ka la wan hadien ba ki la lah ban ïalehkai bha ha ka lympung ïalehkai chess ba la tip kum ka 7th East Khasi Hills District Se-lection Chess Tourna-ment 2025, kaba la poi sha kaba kut ha ka sngi Saitjaiñ ha Khasi Natio-nal Dorbar Hall kaba ha Mawkhar, Shillong.
Ki 20 ngut ki long u A. S Chanthem Shimray, Anubhav Sharma, Radharanjan Chakravarty, Benedict Shabong, Zephaniah R. Dkhar, Mewanpynhunlang Diengdoh, Sawan Dey Sarkar, Devraj Dutta, Sagnik Kandar, Advitiya AG, Richard Blah, Sebastian Kurbah, Kevinson Jyrwa, Satwik Kandar, Debanjan Ghosh, Raktim Suraj Das, Banri John Mukhim, Samtai Losu, Winstone Osborn Mawniun bad Barikular S. Nongsiej.
La ïadon lang ha katei ka sngi da ka Kong Eldora Betsy Lyngdoh kum ka kongsan ryngkat ki dkhot ka EKHDCA bad kiwei.
