Shillong, Jylliew 01
Ki runar bym lah ban ithuh ki la ïoh ban prong tuh ïa kawei ka ïing bad ruh ha kawei pat ka jingjia ban tuh ïa kawei ka arshaka.
Katkum ka khubor na ki pulit la ong ba u Shiv Kumar Ray u la ai ka jingujor ba ha ka janmiet jong ka 28 tarik mynshem bnai, ki runar bym lah ban ithuh ki la prong tuh shapoh ka ïing jong u kaba don ha Pynthorumkhrah, Sixth Furlong, Shillong bad ban rah tuh kawei ka mobile phone bad ki ksiar kiba shongdor kumba T.20,000/-.
Ha kawei pat ka khubor, u Riddick Nongrum u la ai ka jingujor ba ha ka 27 tarik mynshem bnai, kata ha ka por kumba 2.30 janmiet, ki runar bym lah ban ithuh ki la tuh ïa ka arshaka kaba don ïa u registration number ML05-W-5026, kaba dei ka jong u Kynum jong u na Rynjah Society Colony, Shillong.
Ha kawei pat ka jingjia ha ka 28 tarik mynshem bnai, ha ka por 5.30 janmiet, ki runar bym ithuh ki la ktah kti bad shoh ïa u C Lalthanpuia (20 snem) uba na Laitumkhrah Nongrimmaw, Shillong. Une u samla u la mynsaw bad la pynkit noh sha Nazareth Hospital, Shillong ban pynïoh ka jingsumar.
