Shillong, Jylliew 02
Uwei u trai dukan hadien ba u la shah byrngem ha uwei u briew bym lah ban ithuh, u la pyntip ba ki runar bym lah ban ithuh ki la wiang ding ïa ka dukan ka jong u.
Katkum ka khubor na ki pulit la ong ba uwei u nongshong shnong ka Polo, Shillong u la ai ka jingujor ba ha ka por 11 baje mynstep jong ka 28 tarik mynshem bnai, uwei u briew bym lah ban ithuh, uba la thiah hakhmat ka dukan jong u, u la byrngem bad pyrshang ruh ban kawang da u maw ïa ka dukan jong u.
La ong ba kane ka jingshah byrngem jong une u trai dukan bad ka jingpyrshang kawang maw ïa ka dukan jong u da u briew bym lah ban ithuh, ka la dei tang namar ba utei u nongujor u la bthah ïa utei u briew ban kynriah nakhmat ka dukan ka jong u, khnang ba un ïoh ban plie noh.
La ong ba halor kane ka jingjia, na ka liang utei u nongujor u la pyntip ruh ïa kane ka kam sha ki pulit, hynrei, khlem ïaid pat sha ka lynti jong ka aiñ ha kato ka por. Ha ka 29 tarik ka sngi kaba bud pat, la ong ba utei u nongujor u la ïoh pdiang ka jingtip ba ki runar bym lah ban ithuh ki la wiang ding ïa ka dukan ka jong u.
