Jowai, Jylliew 02
Uwei u rangbah ba la tip kyrteng kum u Lakhon Phawa na ka shnong Cham Cham ha East Jaiñtia Hills u la hap shapoh ka Wah Umthe hajan ka shnong Sakhain, Elaka Sutnga ha ka por kumba 5 baje janmiet jong ka 30 tarik Jymmang.
U Lakhon u jrong kumba 5.6 ft bad u don 37 snem rta, u la hap ha katei ka wah hadien ba u la syntuid ha ka por ba u mut ban leit phai ïing.La ong ba u Bah Lakhon u don 3 ngut ki khun ha Mukhaialong, EJH.
Na ka liang ka bor shnong bad pulit ki la ïaleh ban wad ïa u naduh na Wwah Umthe haduh ha Wah Lukha (Sonapur) hynrei ym shym la lap ïa u haduh mynta. Ka Wah Umthe ka dei ka wah kaba tuid sha ka Wah Lukha.
Kumta la kyrpad ïa ki paidbah kiba ju leit ju wan sha kane ka jaka lada lap ïa une u rangbah ban phone ha kine ki number 7005460209 / 9612107041.
