Oklahoma, Jylliew:
Katkum ka jingiathuh lypa jong uwei u riewshemphang na Oklahoma, la ong ba ka pyrthei ka lah ban sah sa tang 100 million ngut ki briew ha u snem 2300, kaba hiar na ka jingbun briew kaba la antad mynta kaba long 8 billion, namar ka jingstad thymmai jong ka juk ‘Artificial Intelligence’ (AI).
U Subhash Kak, uba hikai ia ka subjek Computer ha skulbah Oklahoma State University ha Stillwater jong ka nongbah Oklahoma, u la iathuh lypa ia ka sngi pynjot, da kaba kam ba ka jinghiar ka jingbun briew, kan jia ym namar ka jingpyniap nuclear, kaba long kum u Terminator, hynrei kan jia lyngba ka AI, kaba bujli ia ki kam jong ngi.
“Kan long kaba shyrkhei ia ka imlang sahlang bad ka imlang sahlang jong ka pyrthei. Nga tharai ba ki briew shisha kim don jingtip ei ei,” la ong u Kak ha ka jingiakren jong u bad ki nongthoh khubor.
Namar u la ong ba ki ki computer lane ki robot kin ym sngewthuh satia, hynrei kin sa leh shisha ïa baroh kaba ngi leh namar ba bun na kiei- kiei kiba ngi leh ha ka jingim jongngi, la pyntreikam da kine ki laiñ bad dei kine hi ki kor- ki bor ki ban mih bujli ha ka jaka jong ki briew.
U nongthoh jong ka “The Age of Artificial Intelligence” u ngeit ba ka jingkha khun kan hiar namar ki briew kin sngew artatien ban kha khun kiba la buh kyrpang ban long ki bym don kam don jam. Kumta, u la ong ba lada khlem ki nongpynroi, ka jingbun briew ha ka pyrthei kan mad ia ka jingshah pynjot kaba khraw ha ka lawei ka ban wan.
