Shillong, Jylliew 03
Ki kam tuh kam thiem ki nangjur na kawei ka sngi sha kawei pat, ha kaba ki runar ki la prong tuh ïa ki ïing ki sem, ki dukan bad ruh ban tuh ïa ki arshaka, kaba la wanrah ïa ka jingbym shngaiñ shuh ha ki shnong ki thaw.
Katkum ka khubor na ki pulit la ong ba ka Soumili Roy Choudhary ka la ai ka jingujor ba ha ka 30 tarik Jymmang, 2025, ha ka por ba kam shym la don ha ïing, ki runar ki la prong tuh hapoh ka residential quarter ka jong ka, kaba don ha DAD Residential Complex, SE Falls, Demseiñïong, Shillong bad ban rah tuh ïa kawei ka Tablet bad kawei ka iPad.
Katba na ka liang jong ka Pringchi G Momin ka la ai ka jingujor ba ha ka 29 tarik Jymmang, 2025 ha ka por kumba 1 baje mynsngi, ki runar bym lah ban ithuh, ki la tuh ïa ka arshaka jong ka, kaba don ïa u registration number ML13-A-6882 na ka ïew Jonglapara ha North Garo Hills.
Kumjuh, na ka liang jong ka Shienty Yangla D Shira ka la ai ka jingujor sha ki pulit ba ha ka 29 tarik Jymmang, 2025, ki runar bym lah ban ithuh ki la prong tuh hapoh ka ïing ba ka shongwai ha Mendipathar, North Garo Hills bad pyrshang ruh ban tuh na kane ka ïing.
Ha kawei pat ka khubor, u Assistant EE ka MePDCL, Bakoldba, Mendipathar ha North Garo Hills u la ai ka jingujor ba ki runar bym lah ban ithuh ki la tuh ïa ki 33KV transmission line component na ka thaiñ Wa’geasi ha North Garo Hills.
