Shillong, Jylliew 03
Ka jingïalang bishar bniah kaba Lai jong ka High Powered Committee bad ka Supervision & Moni-toring Committee ban pynkhreh ïa ki nongïa-lehkai ka Jylla na ka bynta ka 39th National Games 2027 ka la long ha ka 2 tarik mynta u bnai ha Secretariat.
Ha kane ka sngi la ïadon lang u Dr. Vijay Kumar D (IAS), Commis-sioner & Secretary jong ka tnad ïalehkai ka Sorkar Jylla bad uba la khlieh ïa katei ka komiti, ryngkat bad ka Supervision and Monitoring Committee kaba la khlieh da u Diki D. Shira (MCS), Director ka tnat ïalehkai.
Ha ka jingïalang jong kane ka komiti la don lang ki nongïalam jong phra tylli ki synjuk ïalehkai (State Sports Association) lyngba ki jingïakren ai jingmut shimet marwei ban pynsngew halor ki jingpynkhreh jong ki.
Ka jingdonkam briew (manpower), ka jaka trei bad jinghikai (training venues), ki tiar ïalehkai (equipment needs), ka jingpynbiang ïa ka bam kaba biang ïa ki nongkilan met (nutrition), ki lympung ïalehkai kiba la thmu (planned competitions), ka jingpynlong ïa ki selection trials lyngba ha ryngkat ki jingpyntip ki jingpyndonkam ïa ki kor stad kiba shai, bad ka jingangnud ban ïoh takma ha ki jingïalehkai.
Kham mynshwa kine ki komiti ki la dep pynlong ka jingïalang ar sien ha ka 21 tarik bad ka 29 tarik u Jymmang mynta u snem bad 18 tylli ki synjuk ïalehkai ha kaba ki la dep ban ïasyllok lang. Kat haduh mynta ka sngi, 26 tylli ki synjuk ïalehkai kum ka Archery, Arm Wrestling, Athletics, Aqua -tics (Swimming), Cano-eing & Kayaking, Bad-minton, Basketball, Boxing, Cycling, Football, Gym-nastics, Judo, Karate-Do, Kho-Kho, Lawn Bowls, Muay Thai, Rowing, Shooting, Table-Tennis, Taekwondo, Tennis, Volleyball, Weightlifting, Wrestling, Wushu bad Yogasana ki la ïadon bynta ha kine ki jingïasyllok ban ïakren shimet kawei-pa-kawei ka synjuk ïalehkai. Kine ki jingïa-lang ïasyllok kin dang bteng biang ha kine ki sngi ban wan.
Nalor u Chairman, Dr. Vijay Kumar, ki heh sorkar bad na ka liang ka MSOA ki la ïadon bynta lang ha katei ka jingïa-lang. Kine ki kynthup ïa u R. Yangthan (IAS), Joint Secretary ka tnat ïalehkai, u Diki Shira, Bah John F. Kharshiing, Working Pre-sident ka MSOA, Kong Matsiewdor War Nongbri, Vice President ka MSOA, Bah Finely L. Pariat, General Secretary ka MSOA, Bah Ksan Warjri, Treasurer ka MSOA, Bah P.B. War Nongbri, Assis-tant Director ka tnat ïalehkai, Bah K. Passah, Assistant Director, Bah Phranki Pale, Senior Engineer ka State Sports Council of Meghalaya bad kiwei.
Kane ka jingïaid shaphrang jong ki jing-ïalang bishar ka pyni shai ïa ka jingkular jong ka Sorkar Jylla ban ai ka jingïarap kaba khlaiñ, kaba da ka rukom trei kaba ka jylla ka khmih ban pynïoh ban tei ïa ki jaka ïalehkai (outdoor/ indoor stadiums), ka jingpynshai sha ki samla ha ki rukom jingpynkhreh ïa ki buit (technique) bad ka jingpynbiang ïa ki jingdonkam ban tei ïa ki jaka ïalehkai kiba paka bad kiwei-kiwei na ka bynta katei ka lympung.
