New Delhi, Jylliew:
Ka Microsoft Corp. ha kane ka sien, ka la rai ban pynduh biang da ki spah tylli ki kam tang katto- katne taiew hadien ka jingweng kam kaba jur tam ha ki snem kaba pynpaw ïa ka jingpyrshang jong ka kompeni tech ban pynduna ïa ka jinglut wat haba ka pynmih da ki klur tyngka sha ka jingstad thymmai.
Palat 300 ngut ki nongtrei, la iathuh ba ia ki kam jong ki, la pynduh noh ha ka Sngi Nyngkong, katkum ka jingpynbna jong ka nongbah Washington ha ka Sngi Ba-ar.
U nongaiktien jong ka Microsoft, u la ong ba ka jingpynduna ia ki dkhot nongtrei kaba khatduh eh, ka long hadien ka jingweng kam ia ki 6,000 ngut ki dkhot jong ka kompeni kiba la dep ban pynbna ha u bnai ba la dep.
Ka jingkiew jong ka jingstad thymmai ka la pynkhihwin ia ka iew jong ki nongtrei tech namar ki kompeni ki buh hakhmat eh ia ki kam kiba pynleit jingmut ha ka AI bad pyndonkam ia ka jingstad ban pynduna ia ka jingpynlut ne ka jingsiew bainong ia ki nongtrei.
Ka Microsoft bad ki paralok jongka, kynthup ïa ka Meta Platforms Inc. Ha ka taiew ba ladep, ka Salesforce Inc. ka la ong ba ka jingpyndonkam ia ka AI ka la plie lad ïa ka ban thung kham noh tang khyndiat ki nongtrei lane ki briew, hynrei ia kaba bun yn pyntreikam lyngba jong ka AI bad kiei- kiei baroh ki la nang kham bha bad kham suk ban ia kaba ju long baroh shi katta.
