Shillong, Jylliew 04
Kawei ka bos ba kit ïa ki nongleit nongwan bad kit ïa ki mar ki mata na Shillong sha Pynursla kaba don ïa u registration number ML05-C-5181 ha ka janmiet jong ka 4 tarik Jylliew ka la jan kylla lyndang ha surok ha Umtyngar na ka daw ka jingktieh bad ngam ka surok namar ka dei ka surok khyndew kaba dang shna.
Kane ka la pynlong ïa ki kali kiba kiew na Shillong bad hiar sha ki thaiñ Sohra, Pynursla bad Dawki ban sahkut sbak hajuh khlem khih katba ki dang ïakhun ban tan ïa katei ka kali kaba ka jan kylla lyndang na ka jingngam ki shaka ha ka ktieh. Kaba pynlong ban ktieh ïa ka surok ka dei namar ka jingther u slap ha ka por mynstep jong ka Sngi Balang namar ka dei ka bynta ba dang shna jong ka surok Shillong Dawki.
