Shillong, Jylliew 04
Shi bynta ban rakhe ïa ka Olympic Day 2025, ka Meghalaya State Olympic Association (MSOA) kan pynlong da ka jingïakob mareh ba la tip kum ka 6th 10K RUN ha ka 21 tarik mynta u bnai ha kane ka nongbah.
Kane ka jingïakob mareh ka long na ka bynta ki shynrang bad kynthei kiba 18 snem shaneng bad ki Veteran kiba 50 snem shaneng. Kane ka jingïa-kob kan sdang ha ka por 6 baje mynstep na J.N. Stadium, Polo Ground bad la pynkhreh ïa ki khusnam kiba kynthup T.5000, T.3000 bad T.2000 na ka bynta ki nongjop kiba wan ha ka kyrdan ba nyngkong, ba-ar bad balai. Yn sam ruh da ki sopti sha ki nongshim bynta kiba lah ban wan aijingtip kham kloi.
Kat kum ka kyrwoh ba la pyllait da u General Secretary ka MSOA, Bah Finely L. Pariat, la ong ba ka jingpynrung kyrteng kan long ha ka shlem treikam jong katei ka synjuk kaba don ha J.N. Stadium Polo naduh 1 baje haduh 5 baje janmiet. Ka tarik ba khatduh ban pynrung kyrteng kan long ha ka 18 tarik mynta u bnai.
Ki jaka ban mareh kin sdang nad JN Stadium Gate No. 1 sha Polo Bazar – khun sha Saw Furlong – B.K. Bajoria Junction – Take Right to B.K. Bajo-ria – PGT College – Shil-long Commerce College – Shillong College – Don Bosco Square sha Laitum -khrah Police Point Laitumkhrah Police Beat House Fire Brigade – St. Edmund’s School – Dhankheti – Malki Point – Barik Point -Civil Hospi-tal sha State Central Library, Meghalaya Secre -tariat DC Office-Take Right to Governor House – sha Nan Polok , CM Bungalow-Polo Tower – Polo Bazar bad ban pyn kut biang ha JN Stadium Gate No. 1.
