Toronto, Jylliew:
Katkum ki khubor, la ong ba uwei u briew u la khlad noh bad katto- katne ngut pat ki la mynsaw na katei ka jingjia synreit kuli naphang hapoh ka nongbah Toronto jong ka ri Canada. Kane ka la jia ha ka thaiñ jong ka Lawrence Heights hapoh New York.
Kumjuh ruh na ka liang ka tnat pulit jong ka Toronto, ka la pyntip ba kumba 5 ngut ki la mynsaw ba dla pynkit ia ki sha ka jakasumar kaba hajan hynrei kam shym don kano- kano ka jingma ia ka jingim jong kitei kiba mynsaw.
Katkum ka khubor na ki paidbah ha katei ka thaiñ, la ong ba ia katei ka thaiñ baroh kawei la ker-kut da ki bor pahara bad ki pulit ki dang ialeh shitom ban thwet bad ban ioh kem ia utei u runar uba synreit kuli naphang ha katei ka jingjia.
