Agartala, Jylliew:
U MLA jong ka seng Congress ha Tripura bad u nongkhot nongwer jong ka Congress Working Committee u Sudip Roy Barman u la thoh sha u Myntri ka tnad pule puthi jong ka sorkar pdeng ban dawa ba dei ban tohkit da ki heh ba hakhliehduh halor ka jingkynnoh ba don ki jingleh bymhok ha kaba ïadei bad ka jingthungkam ha Tripura University.
Ha ka shithi jong u, u Roy Barman u la kynnoh ïa u Vice Chancellor u Ganga Prasad Prasain bad ïa u Registrar Deepak Sharma halor ki kam bamsap, ka jingleh shiliang khmat, bad ka jingleh bymhok ha ka rukom synshar. Shisien ka long ka dak jong ka jingtbit ha ka pule puthi ha ka thaiñ Shatei-Mihngi, mynta kane ka skulbah ka la shah rong noh ha ka jingshah kren sniew, u la ong.
