Shillong, Jylliew 05
U Novak Djokovic u la pynliem noh ïa u Alexander Zverev na ka bynta ban jam sha ka semi-final ha ka French Open 2025 ha ka Sngi Palei ha Paris. U la long u nongïalehkai ba la rangbah tam ha ka rta kaba 38 snem ha kane ka lympung Roland Garros naduh u 1968, la pynpaw katkum ka khubor na ka website jong ka ATP Tour.
Une u rangïalehkai u la pyni ïa ka jingïalehkai kaba itynnad na ka bynta jop da 4-6, 6-3, 6-2, 6-4 bad ban pynurlong ban jam sha ka semi-final ha ka sien kaba 51 jong ka Grand Slam. .
“Khamtam ha ka jingïalehkai ba khatduh, ka buit jong nga ka long tang ban ïalehkai bha. Kumta nga la ïalehkai lai ne saw sien lynter. Lehse phim lah ban ïohi ha ka TV, hynrei ka don ka jingbeh lyer kaba jur na kawei ka liang, kumta ka ai ïa ka jingsngew ban ïakhun tyngeh ha ki ar tylli ki wat. Ka long kaba kongsan ban pynpher ïa ka jingïalehkai,” la ong u Novak Djokovic hadien ba u la lah ban pynliem ïa u Alexander Zverev.
Da kane ka jingjop kaba 101 sien ha ka madan dewbyrtha, u Djokovic uba la rah nam lahduh lai sien, un pynkhreh ban ïakynduh semi final pyrshah ïa u Jannik Sinner uba la lah ban pynliem ïa u Alexander Bublik.
