Shillong, Jylliew 05
Ka Assam Rifles Public School bad ka O. M. Roy Memorial HSS ki la lah ban pynthikna ban jam sha ka final ha ka Under-15 (boys), katba ka Tyrsad HSS bad ka Sacred Heart Boys HSS ki la lah ban pynurlong ha ka Under-17 (girls) jong ka District Level Inter School Subroto Cup Football Tournament 2025 ba la pynïaid da ka shlem treikam u District Sports Officer (DSO) East Khasi Hills District.
Ha ka jingïakhun semi final jong ka Under-15, ka Assam Rifles ka la lah ban pynliem noh ïa ka St. Anthony’s HSS da 2-0 kol. Kane ka la wan urlong lyngba ki kol ba la thep da u John Wandon Nongsiej ha ka minit kaba 5 bad u Jared Jr Lyndem ha ka minit 36.
Kumjuh, ka O. M. Roy ka la pynliem noh ïa ka Umphyrnai Presbyterian SS da 2-1 kol. Wat la u Bankyrshanbor Kharkongor u la lah ban pynkhih jar nyngkong eh na ka bynta ka Umphyrnai ha ka minit kaba 18, hynrei ka OM Roy ka la lah ban pynphai kylla haduh ar kol lyngba u Aiban-khraw Kurbah uba la thep ha ka minit kaba 40 & 43 na ka bynta ban ïoh shi syndon ïa ka jingjop.
Ha ka jingïakhun semi final jong ka Under-17 ki kynthei, ka skul Tyrsad ka la pynjem khnap ïa ka Mawngap D. C. Multipur-pose HSS haduh 10-0 kol. Ka Wanrihun Kharnaïor ka la ïoh hat-trick da kaba ïoh thep kol ha ka minit kaba 5, 21 & 23. Nangta ar kol la thep da ka Ibashembha Khongsit (14 & 48) bad ka Ha-I-Sha Myrthong (3 & 7), katba ïa ki shi kol la thep da ka Ribanta Nongbri (8), Balabet Khongsit (12) bad ka Nisha Nongbet (34).
Ka Sacred Heart Boys ka la pynliem noh ïa ka Ïewrynghep SS da 2-0 kol. Kane ka la wan urlong lyngba ki kol ba la thep da ka Banyllashisha Nongkhlaw ha ka minit kaba 13 bad ka Eleen kyntla ha ka minit ba 21.
Haba phai sha ki jingïakhun U-17 ki shynrang, ka Government UPS na Mawryngkneng ka la pynliem noh ïa ka Sawmer Presbyterian SS da 5-0 kol. U Mebankyrshan Mynsong u la ïoh hat-trick da kaba ïoh thep kol ha ka minit kaba 9, 25 & 31, katba ïa ki shi kol la thep da u Arkiraplang War (22) bad u Ïohborlang Lyngdoh (47).
Ka Mawngap D. C. Multipurpose HSS ka la pynliem noh ïa ka St. Gabriel HSS lyngba ka tie-breaker da 4-2 kol hadien ba kim shym la lah ban thep kol haduh kaba kut jong ka jingïalehkai.
Ka Grace Academy SS ka la shah rem noh ha ka St. John Bosco Boys HSS da 2-0 kol. Ïa kine kol la thep da u Kevinstar Pde ha ka minit kaba 9 bad u Samehaki Shangpliang ha ka minit 25.
