Imphal, Jylliew:
Ka jingbteng jong ka jingwan ka aïom slap kaba dang ïaid shakhmat, ka la wanrah ïa ka jingeh ha ka liang ka um, ha kaba ka jingshlei um kaba shyrkhei tam ha ki phew snem, ka la pynthut ïa ki bynta kiba ïar jong ka Imphal, khamtam ïa ka Imphal East District jong ka Manipur.
Ka jingshlei um kam shym la tap tang ïa ki surok hynrei ka la pynbor ruh ban khang noh ïajan baroh ki jaka pynkhuid um, kaba la pynduna ïa ka jingpynbiang haduh 85%.
Ha ka sngi Palei, ka sorkar Manipur ka la pynbna paidbah ïa ka jingpynsangeh shipor ha ka ban pynpoi ïa ka um dih sha kylleng ki jaka ba shah ktah ha ka jingshlei um ha ka them Manipur. Ka Imphal East District, kawei na ki thaiñ kaba la shah ktah jur, ka dang shah ktah jur namar ba ka um ba la shlei, ka la rung sha ki mashin pynkhuid um, kaba la pynlong ïa ki ban ym lah shuh ban treikam.
