Jowai, Jylliew 06
Ka lympung ïalehkai Dis-trict Level Inter School Subroto Mukherjee Cup Football Tournament 2025 ba la pynïaid da ka shlem treikam u District Sports Officer (DSO) West Jaiñtia Hills District ka la jam sha ka pre-quarter final.
Ha ka jingïakhun pre-quarter final jong ka Under-15 (shynrang) kaba la long ha ka Sngi Thohdieng ha Kiang Nangbah Stadium kaba ha Ladthalaboh, ka Don Bosco SS ka la pynliem noh ïa ka Lumpyrtuh SS lyngba ka tie-breaker da 3-2 kol bad ka Govt. Boys HSS, Jowai ka la pynjem khnap haduh 11-0 kl ïa ka Thangbuli UPS.
Ha ka pre-quarter final Under-17 (kynthei), ka Kiang Nangbah HSS Jowai ka la jop haduh 15-0 kol ïa ka On and On Secondary School. Ka Krist Syiem Secondary School Nam-dong ka la pynliem noh ïa ka Mukhla Raij HSS, Mukhla lyngba ka tie-breaker da 3-0 kol. Nangta ka Police Public Secondary School Jowai ka la jop lyngba ka tie-breaker da 3-1 kol ïa ka Achievers Secondary School Ummulong.
Katba ha ka pre-quarter final Under-17 (kynthei) kaba la long ha Wahïajer Multi Sports Complex, ka Ummulong Presbyterian HSS ka la jop da 2-0 kol ïa ka Mihmyn-tdu RC Eve SS, Jowai. Ka H.K Singh Memorial SS ka la jop da 1-0 kol ïa ka Little Flower HSS Ummulong. Kumjuh, ka St. Dominic HSS Maw-kyndeng ka la jop da 2-1 kol ïa ka Govt. Girls HSS bad ka Jaiñtia HSS Jowai ka la pynliem noh ïa ka Govt. UP RMSA School Jowai lyngba ka tie-breaker da 1-0 kol.
Kumta ïa ka jingïa-khun quarter final jong ki khynnah kynthei kan sdang ha ka 9 tarik mynta u bnai ha kaba ka Kiang Nangbah HSS kan ïakhun pyrshah ïa ka Krist Syiem SS, ka Police Public SS pyrshah ïa ka Ummulong Presbyterian HSS, ka HK. Singh Memorial SS pyrshah ïa ka St. Dominic HSS Mawkyndeng, ka North Liberty HSS ïa ka Jaiñtia SS, katba ha ka Under-15 (Boys) ka Marian Hill HS pyrshah ïa ka St. Doninic HSS Mawkyndeng.
