Shillong, Jylliew 06
Ka Meghalaya Gymnastics Association (MGA) kan pynlong ïa ka prokram ai jinghikai ïa ki heprit hapoh 10 snem karta ban wan ai jinghikai da ki coach ba kynsai khnang ba kin long ki khynnah kiba tbit ha kane ka jingïalehkai.
Kat kum ka kyrwoh ba la pyllait da katei ka synjuk, la ong ba kane ka prokram ai jinghikai naduh ka Lah Sngi U Blei haduh ka Sngi Thohdieng naduh 3 haduh 5 baje nohphai sngi, katba ha ka Sngi Saitjaiñ kan long naduh 8 haduh 11 baje mynstep. Ïa kane ka prokram yn pynlong ha St. Anthony’s Gymnastic Hall. Ïa ki jingtip kiba bniah ki lah ban phone ha kine number 9436274669 & 9863093880.
