Shillong, Jylliew 08
U khlur ïalehkai ka Brazil u Neymar u la ïoh ïa ka COVID-19, la pynthikna ka klob jong u ka Santos kaba la saphriang kylleng ha katei ka ri.
Utei u rangïalehkai ba 33 snem ka rta u la sdang ban paw ki dak jingpang ha ka sngi Palei bad la weng noh mardor ïa u na ka kynhun ïalehkai. Ki jingpeit bniah jong ki doktor hadien ki la pynthikna ïa ka jingpang, la pynpaw ka kynhun ïalehkai Serie A jong ka Brazil ha ka sngi Saitjaiñ.
Ka klob kam shym la pynpaw ïa ka por ba u Neymar um lah ban ïalehkai. U Neymar u la dep shah weng na ka jingïalehkai jong ka league ha ka sngi Palei ha Fortaleza namar ka jingshah sospon.
Ka jingïakhun ha Fortaleza kan dei ka jingïalehkai ba khatduh jong ka Santos hashuwa ba ïa kane ka lympung ha Brazil yn sangeh shwa naduh 14 tarik mynta u nai haduh 13 tarik u Naitung naka bynta ka Club World Cup ka ban long ha United States.
Lah ban kdew ba ka lawei jong une u rang-ïalehkai barim ka Barcelona ha Santos ym pat lah ban rai, ha kaba ka jingïateh kular jong u kan kut noh mynta u bnai Jylliew. Namar ka jingmynsaw, u la ïaleh-kai 12 sien na ka bynta ka Santos ha baroh ki jingïalehkai mynta ka samoi, da kaba thep lai tylli ki kol bad bad ïarap pynbuh lai sien.
