Shillong, Jylliew 08
Lai snem mynshwa, ka dur jong ka Coco Gauff kaba sngewsih bad kaba ïam da kaba tap da ka jaiñ, hynrei mynta ka la jaw ummaw da ka jingkmen hadien ba ka la lah ban rah ïa ka nam lahduh ha ka French Open.
Ha ka jingïakhun final kaba la long ha ka sngi Saitjaiñ, ka Gauff ka la lah ban pynliem noh ïa ka Aryna Sabalenka kaba la bat ïa ka kyrdan ba nyngkong da 6-7 (5), 6-2, 6-4 na ka bynta ban khur ka jingjop ïa ka grand slam kaba ar ha Paris.
Ka jingjop ïa ka khusnam Grand Slam kaba nyngkong eh ha ka jingim jong ka, ka dei ha ka US Open 2023 na ka bynta ban pynurlong ïa ka sap ba phylla jong ka ha ka sien kaba nyngkong eh. Hynrei ha Paris, katei ka nongïalehkai na America kaba la bat ï aka kyrdan ba-ar ha ka pyrthei ka la lah ban pyni ïa ka jingtbit ka jong ka da kaba ka lah ban pynliem ïa ka Aryna Sabalenka na ka bynta ban rah ïa ka nam lahduh ha Roland Garros.
Haba pynpaw halor ka jingshah rem jong ka ha u snem 2022, ka Gauff, kaba 21 snem ka rta, ka la ong: “Ka la long ka por kaba eh bha. “Nga la artatien ïalade, nga la pyrkhat hato nga lah ne em ban kynjoh sha ka thong.”
“Nga la ïam shwa kata ka final bad nga la sngew lyngngoh haduh katta katta. Nga la long kumne, lada ngam lah ban pynïaid ïa kane, kumno ngan lah ban pynurlong biang ïa ka?. Wat hapdeng kita ki jingmut jingpyrkhat nga la rai ba ngan long kaba la khreh ïalade.”
